Veislan hefst í NFL-deildinni í DAG

Úrslitakeppni NFL-deildarinnar hefst í dag .

Fyrsta helgin er kölluð „Wild Card-helgin“ en þá spila átta lið en fjögur bestu lið deildarinnar í vetur fá að hvíla.

Veislan hefst í klukkan 21.35 er Houston Texans tekur á móti Buffalo Bills. Texans spilað ágætlega í vetur en hefur vantað stöðugleikann. Bills er það lið sem hefur komið einna mest á óvart í vetur og verður áhugavert að sjá hvernig þessi leikur spilast.

Rúmlega eitt um nóttina er komið að meisturum New England Patriots en þeir taka á móti Tennessee Titans. Meistararnir aðeins gefið eftir í vetur en úrslitakeppnin er þeirra tími. Tennessee hefur verið á stöðugri uppleið í allan vetur og hefur engu að tapa.

Sunnudagsleikirnir eru fyrr á ferðinni en í dag og það er boðið upp á stórleik klukkan 18.00 er Íslandsvinirnir í Minnesota Vikings sækja New Orleans Saints heim í Superdome.

Síðast er þessi lið mættust í úrslitakeppni þá var það í Minneapolis og þá vann Vikings á „Minneapolis Miracle“ á lygilegum lokakafla leiksins. Í fyrra féll Saints síðan úr leik á dómaraskandal og menn í New Orleans eru reiðir.

Lokaleikur helgarinnar er svo klukkan 21.40 er Philadelphia Eagles tekur á móti Seattle Saehawks. Eagles vann níu leiki en Seattle ellefu en Ernirnir fá heimaleik þar sem þeir unnu sinn riðil sem var sá slakasti í deildinni.

Allir leikirnir í úrslitakeppninni eru í beinni útsendingu og verður linkur á síðunni hjá okkur en við bendum á að hægt er að kaupa áskrift á NFL.com og er útsending í allt að 4k gæðum.

Dagskrá helgarinnar:

Laugardagur:

21.20: Houston – Buffalo
01.05: New England – Tennessee

Sunnudagur:

17.55: New Orleans – Minnesota

1.20: Philadelphia – Seattle

Start a Conversation

Your email address will not be published. Required fields are marked *